Gera má ráð fyrir u.þ.b. einni viku í aðlögun barns í leikskólann. Við erum með  þátttökuaðlögun eða hefðbunda aðlögun og fer það allt eftir óskum starfshóps deildanna hverju sinni. Áætlun um aðlögun er gerð í samráði foreldra og kennara. Reynslan hefur kennt okkur að hæg aðlögun er árangursríkari en hröð aðlögun.

Hefðbundin aðlögun: aðlögun er skipulögð í eina viku. Barnið kemur í heimsókn með foreldri í um klukkustund fyrsta daginn. Viðveran eykst svo hvern dag ásamt því að tíminn lengist sem foreldrar fara frá. 

Þátttökuaðlögun: aðlögunartíminn miðast við þrjá dag þar sem foreldrar taka þátt í öllu starfi leikskólans með börnum sínum. 

Haldið er hátíðlega upp á afmælisdaga barnanna og þau eru í aðalhlutverki þann dag. Þau fá að gera sér kórónu sem þau taka með sér heim í lok dags. Einnig fá þau að velja sér diska og glös í matmálstímum. Barnið kemur ekki með veitingar að heiman en má koma með bækur eða tónlist ef það vill.

Reglur vegna afmæla:
Boðskort fara í hólf ef öllum börnum í hópnum er boðið annars er þeim ekki boðið í gegnum leikskólann. Starfsfólk fer aldrei heim með börn á afmælum.

Dvalarsamningur er gerður um vistunartíma barns þegar það byrjar í leikskólanum. Mikilvægt er að vistunartími barnsins sé virtur því að fjöldi starfsmanna er miðaður við viðveru barnanna. Ef breyta þarf vistunartíma er haft samband við leikskólastjóra. Uppsögn á dvalarsamningi eða breytingar á vistunartíma þarf að gera með mánaðar fyrirvara og er miðað við fyrsta dag hvers mánaðar.

Mikilvægt er að barnið sé í hentugum fatnaði í leikskólanum. Fötin þurfa að vera þægileg og ekki hefta hreyfingar barnanna. Það þarf líka að vera auðvelt að æfa sig í að klæða sig úr og í fötin. Inniskór eru ekki nauðsynlegir en við bendum á sokkainniskó. Þeir verja barnið fyrir kulda og eru þæglegir og liprir að leika í. Aukaföt og útiföt verða að fylgja barninu á hverjum degi og vera vel merkt, sérstaklega útiföt og skór. Aukaföt eru geymd í plast kössum inná deildum á Litunum og í taupokum á Ævintýrunum. Muna þarf eftir að tæma hólfin á föstudögum til þess að hægt sé að þrífa þau.

  Það sem þarf að vera af útifatnaði er:

- hlý peysa

- hlý og góð húfa (ekki nóg að hafa buff)

- hlýir og góðir vettlingar (ekki nóg að hafa þunna fingravettlinga)

- ullarsokka

- flísbuxur (fyrir þá sem eru á sokkabuxum eða leggings)

- regngalli

- kuldagalli / eða úlpa og snjóbuxur

- úlpa

 Aukaföt

Nærföt, sokkar, sokkabuxur, buxur, peysa eða bolur 

Foreldraviðtöl eru að jafnaði 2 á ári, að hausti og vori. Leikskólastjóri og kennarar eru auk þess alltaf tilbúnir að setjast niður með foreldrum. Gott upplýsingarflæði milli heimilis og leikskóla reynist börnum og fjölskyldum þeirra best. Starfsfólk leikskólans eru bundnir þagnarskyldu.

Hvíldardót, koddi og teppi koma með börnunum að heima. Það veitir börnunum öryggi að hafa sína eigin hluti þegar þau hvíla sig. Hvíldardót fer heim með barninu annan hvern föstudag og kemur aftur með því í leikskólann á mánudegi.

Leikskólagjöld eru greidd fyrirfram einn mánuð í senn. Ekkert gjald er tekið fyrir júlí vegna sumarfría. Innheimta fer fram hjá Skóla- og frístundasviði Reykjavíkurborgar. Gjaldskrá leikskóla.

Auk hefðbundinna frídaga er leikskólinn lokaður 6 virka daga á ári vegna skipulags- og námskeiðsdagastarfsfólks Þessir dagar eru skráðir á skóladagatali og auglýstir á hverju hausti.

Sumarlokun eru fjórar vikur á að sumri i og er ákveðin af stjórnendum í samráði við foreldraráð Rauðhóls. 

Borðað er í matsal leikskólans. Morgunmatur hefst kl. 8:30 og stendur til kl. 9:30 og geta börnin borðað þegar þeim hentar innan þessa tíma, með því truflum við ekki leik þeirra. Hádegismaturinn er tvískiptur, yngir börnin borða kl. 11:00 og þau eldri kl. 11:30. Síðdegiskaffi er á bilinu 14:20-15:10. Við leggjum áherslu á fjölbreytt matarræði með grófmeti og ríflegri neyslu af grænmeti og ávöxtum. Leitast er við að vinna allan mat frá grunni og brauð eru bökuð í leikskólanum. Boðið er upp á vatn í öllum matmálstímum og mjólk í síðdegiskaffi.

Leikskólinn er lokaður í 4 vikur yfir sumarið. Dagsetningar eru ákveðnar í samráði við foreldraráð leikskólans. Öll börn þurfa að taka að lágmarki 4 vikna samfellt frí. Dagsetningar lokunar eru tilkynntar í upphafi hvers skólaárs.

Leikskólinn getur ekki tekið á móti veikum börnum. Foreldrar þurfa að tilkynna veikindi í síma leikskólans 411-7650. Ef barn getur ekki notið leikskólaverunnar vegna líkamlegra vanlíðan er það sent heim. Æskilegt er að barn sé hitalaust heima í a.m.k. einn dag eftir veikindi. Barn getur fengið að vera inni í tvo daga eftir veikindi en að öðru leiti er útiveru ekki sleppt nema í undantekningatilfellum.
Ef börn eru fjarverandi vegna veikinda í mánuð samfleytt er felldur niður helmingur gjalds. Veikist barn í leikskólanum er strax haft samband við foreldra og brugðist við eftir bestu vitund.