DAGSKIPULAG

07:30 - 8.30  Leikskólinn opnar róleg stund
08.30 - 9.30 Morgunverður í sal og frjáls leikur
09.30 - 9.40 Samvera
09.40 - 11.20 Leikur úti og inni hjá yngri börnum.
09.40 - 12.00 Leikur úti og inni hjá eldri börnum
11.20 - 11.55 Matur yngri barna í sal
12.00 - 12.40 Matur eldri barna í sal
12.00 - 14.00 Hvíld og rólegheit hjá yngri börnum
12.40 - 13.30 Hvíld og rólegheit hjá eldri börnum
13.30 - 16.00 Leikur úti og inni með kaffitíma þegar hentar
14.40 - 17.00 Leikur úti og inni
Ávextir yfir daginn, og alltaf seinnipartinn.

Einkunnarorð Rauðhóls eru VINÁTTA VIRÐING VELLÍÐAN

Vinátta

Ríka áherslu er lögð á vináttu og náungakærleika í öllu starfinu í Rauðhóls. Enda mikilvægur þátt í lífi allra eintaklinga - barna jafnt sem fullorðinna. Það skiptir miklu máli að fullorðna fólkið sé vakandi fyrir þeim vináttusamböndum sem börnin eru að stofna til í fyrsta sinn. 

Virðing

Sjálfsvirðing er mikilvæg hverjum einstaklingi ásamt því að bera virðingu fyrir öðrum. Í Rauðhól er lögð áhresla á virðingu í sinni víðustu mynd þ.e. fyrir sjálfum sér, öðrum einstaklingum, umhverfinu og umhverfisvernd. 

Vellíðan

Vinátta og virðing fyrir sjálfum sér og öðrum leiðir til vellíðunnar. Ef einstaklingum líður vel eigum þeir auðveldara með að gefa af sér. Líkamlegt hreysti og heilbrigði er einnig stór þáttur í vellíðan einstaklinga. Því er meðal annars boðið upp á mikla útiveru ásamt hollum og næringaríkum mat í Rauðhóli.

Til þess að leikskólinn nái þeim árangri sem hann ætlar sér teljum við að samstarfið við foreldra verði að vera mjög náið og traust. Foreldrar þekkja börnin sín best og þeirra þarfir því leggjum við mikla áherslu á gott foreldrasamstarf.

Gengið er út frá því að í skipulagi starfsins í Rauðhóli að leikurinn sé eitt mikilvægasta tjáningarform barna. Leikurinn felur í sér sköpun þar sem börnin koma fram á eigin foresendu, opna sig og takast á í samskiptum. í öllu skipulagi leikskólans er lögð áhersla á að leikurinn fái notið sín sem best í leikskólanum; því er honum gefinn milill tími og rými. 

Í starfi Rauðhóls er notast við opinn efnivið eins og kubba, leir, vatn, sand, málningu, liti, skæri o.fl. Opinn efniviður býður ekki upp á fyrirfram ákveðnar lausnir heldur krefst hann hugmyndaflugs og sköpunar hjá börnum. Þessi efniviður er talinn vera góð viðbót við leikföng sem börnin eiga heima hjá sér.